رسائل من القلب الى القلب

الصوفي السبت أكتوبر 17, 2009 6:36 am

حاولت في قلبي أقول بنساك
وأعيش دنيا في حياتي جديدة
أثر الغلا ما تعجبة غير دنياك
والقلب غيرك ما سكن في وريده
أشتقت لعيونك وصوتك ونجواك
أشتقت لظروفك لو هي عنيدة
حبك شربتة كيف ما أقدر أظماك
حبك عرفتة كيف ما حتاج اعيده

~~~~~s

s ~~~~~

أنا اللي من شوف الاحباب محروم
و الله يكافي شر زلات الاقدام ..
قبل امس مع ربعي سواليف و علوم
و اليوم طاويني هواجيس و هيام ..
اضحك ضحى قبل امس و ابكي ضحى اليوم
ياسرع دورات الليالي و الايــــام ..

~~~~~ s

s~~~~~

تخيل يوم عانقني خيالك خاطري وش قال ؟؟
تخيل قبل اسولف سألني عنك وجداني ..
سألني لين خلاني .. مدينه هزها زلزال !!
تخيل ماهدا حتى لقاك .. بوسط شرايني

~~~~~ s

s ~~~~~

طالت الغيبات يا غالي علينا
وان تحريتك فهذا من غلاك
لو يطول البعد والله ماسلينا
المشاعر همها لحظة لقاك
يا كريم النفس مثلك مالقينا
لك معزة زادها عندي وفاك
ليت قربك يا هنا العمر بيدينا
واتبعك كني ظلال من وراك

~~~~~ s

s~~~~~

للفرح يوم هليت في قلبي هبوب
ما اظلم زماني يوم عن الكون غايب
لك بسمة تتملك الكون بالطيب
ولك نظرة سوت بروحي العجايب
يا جعل عمرك سعد وايامك تطيب
وجعلني فدا حبك ماعنه تايب

~~~~~ s

s~~~~~

ابرفع قضية على الدنيا ومافيها
واول قضية برفعها على حالي
وبشعل النار في نفسي واطفيها
واكشف خفايا الروح وافضح هبالي
خلاص ماني مكحلتها ابعميها
احوسها واقلب الاول على التالي

~~~~~ s

s ~~~~~

خذني جريح شعور يعشق وصالك
ينزف جروح العشق وايامه شهود
خذني غريق احلام عانق خيالك
يرجي سحاب ايديك والشوق موقود
خذني بقايا انسان كلي حلالك
اسكن عروق القلب والشوق موجود

~~~~~ s

s ~~~~~

محد يشق القلب من غير تفكير
حتى الدكاترة ترتجف ثم تحتار
الحب يشق الجوف من دون تخدير
ويبني قصور بداخل القلب وانهار
هذي حقيقة قلتها بصدق وتعبير
وأرسلتها للي حافظن كل الأسرار

~~~~~ s

s~~~~~

غالي بقلبي مثل ذاك القمر فوق
واسقيك من عذب المشاعر وازيدك
هذا قليل من الغلا جاك منطوق
والا بقلبي يعلم الله رصيدك
إن جيت وان ما جيت باقي لك الشوق
والقلب مثل ماهو على حطة يدينك

~~~~~ s

s~~~~~

كل الهموم وكل ما كنت اعانيه
تروح لحظة ما اتذكر طيبك
في غيبتك قلبي فقد من يسليه
من كثر حبك حلف ما يخونك
في غيبتك قلبي تحطم أمانيه
كرهت أنا العالم وحبيت كونك
في داخلي إحساس أجهل معانيه
بس الأكيد كل المشاعر يبونك

~~~~~ s

s ~~~~~

سر يا قلم واكتب عظيم اشتياقي
للي لهم بمجلس الطيب مجلاس
قدرك على راسي سوات الشماغي
بالطيب مانلقا شبيهك مع الناس
انت العطر دايم على الجو طاغي
وغيرك حطب دخانهم يوجع الراس
غردي ياطيور الجو فوق الجبال..
وارسلي له سلامي وأسرعي بالجواب
وارعدي ياسحابه فوق عالي التلال
وترجمي له شعوري بعد طول الغياب
واحملي له عبير الورد تحت الظلال
وارسلي له نسايم من رذاذ السحاب

~~~~~ s

s ~~~~~

في شوفتك "فرحه"
تنسيني أحزااااني
يالي أحبك كثر حب البشر كله
حبك طويل ولا أدري وين وداني..
أروح وأعود في ذرى ظله
كاني نسيتك عسى هالعمر ينساني..
وإن مادرى خافقك عن هالغلا قله..

~~~~~ s

s~~~~~

حبي لك أكبر من حنان المحبين..
وأقرب بواجد من خفوقي لذاتي
أنا الجسد وانتي لي الروح والعين
وأنا ضرير الشوف وانتي عصاتي..
مهما تجاهلتي عن الحال تدرين
محد خذا غيرك مكان بحياتي..

~~~~~s

s ~~~~~

ياحيلة الله وش أسوي بالأقدار
مالي على رد المقادير قوه
مكتوب أصير في دار والزين في دار
وقلبي تلوع وأحمر الدمع ضوه
ياما صبرت وراعي الحب صبار
يخفي عذابه كان عنده مروه..

~~~~~ s

s ~~~~~

يشق من الوله جيبه
خفوق لاسمع طاريك..
تصور عاد لوشافك..
قلبي وش أسوي به!!

~~~~~ s

s~~~~~

رسايلك ترد الروح..
وتجبر خاطري المجروح..
عساني ماانحرم منك
ولامني تجيك جروح..

~~~~~ s

s~~~~~

من عرفتك..
والسعد عندي وصل..
تكفى لاتبخل
على قلبي
بوصال..

~~~~~s

s ~~~~~

ليتك تموت فيني
مثل ماموت فيك..
أو على الأقل تقدر حنيني
يوم كلي يبيييييك!

~~~~~ s

s~~~~~

مالوم نفسي فيك
لو هزها الشوق..
من عاش طيبة قلبك
لابد يشتاق..،

~~~~~s

s ~~~~~

اذا قلبك يبي قربي
حياتي كلها تبغاك..
تغرد لك هواجيسي
وطرفي يرتقب شوفك..

~~~~~s

s ~~~~~

ليت الزمن يمشي
على الكيف وألقاك..
وليت اللقاء((ماينتهي))
يوم أشوفك..

~~~~~ s

s~~~~~

لو ضاعت مفاتيح الوفاء
من كفوف الزمن
أوعدك مايضيع مفتاح غلاك
دامني حي..

~~~~~ s

s ~~~~~

ماأقول تذكرتك
لأني مانسيتك..
بس...!
هاج فيني الشوق
قلت أمسيك بالخير..

~~~~~ s

s~~~~~

لو تغرب في الغرام
ولا تشرق..
سر قلبي محد
غيري يطوله.......!

~~~~~ s

s ~~~~~

عسى ربي يعوضنا
على قل اللقاء والشوف
ويجمعنا مثل أول
ونروي بالغلا ديره

~~~~~ s

s~~~~~

ليه أبكي..
اسأل الدمع الحزين؟
اثر طيفك مايفارق
عن عيوني..

~~~~~s

s ~~~~~

وعــــد
مادام الشجر يرقص
مع هبة الريح
يبقى الغلا والصدق
بينك وبيني..!

~~~~~ s

s ~~~~~

أنا مجرد بشر,,
والشوق لوعني,,
كني غريب لقى
((بعيونك أوطانه))

~~~~~ s

s~~~~~

اذا تبي تعرف
متى ينتهي غلاك عندي..
وقف على شط البحر وانتظر
حتى ينتهي موجهّّّّ!!

~~~~~ s

s ~~~~~
ودي ولكن كيف تحقيق ودي ..عيا زماني لا يجيلي على الكيف
وفصلت من ثوب خام الشقا ثوب قدي.وكسيت نفسي بالمناياوالتحاسيف
ياما تمنيت الدقايق تهدي ..وياما تمنيت الشتاء ينقلب صيف
~~~~~ s

s ~~~~~
ليه التغلي وكل ما أدعيك مشغول ..صرت الكذوب وصرت بالحب بايق
روحي تحبك وباقي الفكر مشلول..أحرقت لي دمي وهذي حقايق
حبك سكن بالقلب من غير مدلول..أنا اتعذب وأنت بالحليل رايق
~~~~~ s

s~~~~~
حب يغيب وصاحبه مابعد غاب.. وحب يدوم وصاحبه في غيابه
وحب يذوب خافق ما بعد ذاب..وحب يداوي صاحبه من عذابه
وحب حياته كلها لوم وعتاب .. وحب حقيق مايضرك عتابه
وحب بلامعنى وحب بلا أسباب.. يبدا غريب وينتهي في غرابة